Konstantin Soldatov “BİZİM EV” İmmersiv audiovizual tamaşa-meditasiya Maqsud İbrahimbəyov Mərkəzi, İçərişəhər, Bakı · 35 dəqiqə Bəs bir evi də insan kimi eşitmək mümkün olsaydı? “Bizim Ev” — Maqsud İbrahimbəyovun işlədiyi məkana və eyni zamanda öz yaddaşımızın dərinliklərinə səyahətdir. Burada nə səhnə var, nə də tamaşaçı zalı: evin memarlığı və interyerləri dramaturgiyaya, səs bələdçiyə, hər qonaq isə məkanla şəxsi bir söhbətin iştirakçısına çevrilir. Hər kəsin qulaqlığında Bakının çoxqatlı səs partiturası yaranır: Xəzərin nəfəsi, xəzrinin şiddəti, qağayıların çığırtısı, əncir ağaclarının xışıltısı. Tədricən bu səs məkanında evinə qayıdan bir insan peyda olur: İçərişəhərin daş döşəmələrində addım səslərini, pilləkənin cırıltısını, əlyazmaların xışıltısını eşidirik. Yazıçının səsi canlanır, onun qəhrəmanları isə dünyanın müxtəlif dillərində tədricən öz səslərini tapırlar. Proyeksiyalar, işıq və smartfon ekranlarındakı videoart tanış əşyalarda yeni mənalar üzə çıxarır. Otaqlardan və verandadan keçən marşrut üç halı birləşdirir: təbiətin gücü, qayğı və ruhun ekologiyası. “Bizim Ev” kənardan müşahidə etməyə deyil, diqqətlə qulaq asmağa dəvət edir: şəhərə, ədəbiyyata, insanla təbiətin kövrək birgəyaşayışına. Ev burada divarlardan daha artıq bir məna daşıyır. Bu, yaddaşın canlı varlığa, diqqətin isə qayğıya çevrildiyi qarşılıqlı məsuliyyət məkanıdır.