“Püstə ağacı” hekayəsi Maqsud İbrahimbəyovun ən təsirli antimüharibə əsərlərindən biridir. Hekayənin bəşəri mesajı daha da güclənir, çünki hadisələr bir uşağın gözü ilə nəql olunur. Bu monotamaşada müharibə illərindəki uşaqlığını xatırlayan artıq böyümüş oğlan obrazını Azərbaycanın Əməkdar artisti Şövqi Hüseynov canlandırır. Tamaşaçılar onunla birlikdə mərkəzində iri bir püstə ağacı bitən kiçik bir Bakı həyətinə səyahət edirlər… Bu əsər insanın möhkəmliyinə, mərhəmətə, empatiya və həmrəyliyə ən dəhşətli sınaqlar, müharibə və ölüm qarşısında belə bir tərənnümdür. Gələcəyə ümid və insanlığa inam aşılayan bir tamaşa.