en az

Lu Sincian | İçərişəhər

Bir məkanın ritmi

Hər şəhərin öz dili, hər küçənin öz yaddaşı var.

QGallery və JD Malat Gallery tərəfindən təqdim olunan “İçərişəhər” əsəri müasir Çin sənətkarı Lu Sincianın Bakının tarixi mərkəzinə bədii baxışını əks etdirir. Sənətkarın davam edən “Şəhərin DNT-si” silsiləsinə daxil olan bu rəsm əsəri qala divarları ilə əhatələnmiş İçərişəhərin hava görüntülərini xətlərin, rənglərin və həndəsi formaların yaratdığı canlı kompozisiyaya çevirir.


Dolama küçələr, qədim qala divarları və açıq məkanlar bir-biri ilə əlaqəli naxışlar sistemində birləşərək şəhərin fiziki quruluşu ilə onu əsrlər boyu formalaşdıran həyat arasındakı əlaqəni üzə çıxarır. Azərbaycan bayrağının rənglərindən ilham alan Lu Sincian xəritə ilə abstrakt təsvir arasında yeni bədii ifadə yaradaraq şəhərin özünəməxsus portretini təqdim edir.

Təsvir etdiyi küçələrin əhatəsində, QGallery-də nümayiş olunan əsər izləyiciləri İçərişəhərə fərqli baxış bucağından nəzər salmağa dəvət edir. Beləliklə, şəhər həm rəsm əsərinin mövzusuna, həm də onun canlı mühitinə çevrilir və müasir bədii ifadə ilə Bakının mədəni yaddaşı arasında dialoq yaranır.

30.10.2026
31.10.2026
01.11.2026
QGallery Baku | İçərişəhər